小惠@iphone@巴士

大人的承諾

自從豆釘哥哥三歲學識打電話和記得媽媽的電話號碼後，他就常常在晚上七點後來電(媽媽常OT，通常未回家)。

今天, 七點幾:

豆釘哥哥:媽媽你係邊呀?仲未返屋企o既?
媽媽十分不好意思:我仲係公司呀, 不過就來返啦..
豆釘哥哥:你係米搭地鐵呀?
媽媽唯有和他閒聊一下:係呀， 好快返啦!你今日返學開唔開心呀?
豆釘哥哥:開心！你記得喎！
媽媽呆了一下:記得乜野?
豆釘哥哥:記得買麥芽餅呀！

媽媽心涼了一截， 想起早上家中的麥芽餅剛沒有，早餐時應承了放工時買，等他第二日可以做早餐，居然忘記了，媽媽馬上收拾行裝，離開公司，再打電話給豆釘爸爸代為購買，好讓我回家後有所交代。

雖然，麥芽餅對大人來說是小事，轉頭已忘記了，對小孩子來說已是一天中的大事，要打電話來提媽媽了。
做媽媽的， 真的要小心行事，免得小朋友的小小心靈破碎了，而且還做了一個壞榜樣。

1個意見 so far
Leave a comment